شعر :مجدى السطوحى إرمى بياضك يا بنتى وإسمعى منى المفيد شايف قُصادى قلب طيب نقى لكن عنيد مكتوب على قلبك بلاش تجريح ومكتوب كمان كتير وجع مكتوب كمان أسفه مفيش راجل جدع والشك داء والداء مرض والحب مهمآ كان وجع علينا اتفرض مكتوب على قلبك خطر تحذير وقاصد البشر مش عايز قلبك ملك حد فتندمى بتخافى حتى تنامى مره فتحلمى الخوف دى بيولد الحذر وشك بشوش فلقة قمر وعنيكى حلوه بس واخده ع السهر مجرد حضن بيطيب زعل خاطرك وف ناس بتعشق ضحكتك وتحلم تعيش ف جنتك كُل ال إنتى محتاجاه مش مجرد ضحكه بتنسيكى طعم الهم دا القصه بتتلخص ف راجل جدع يهتم.
